Tachwedd 22/23 2024
Penwythnos o gerddoriaeth wefreiddiol o ar draws Affrica gyda perfformiadau Affro-Gymraeg a llawer mwy! Gwir ddathliad o Affrica yng Nghymru!
Dathlu Affrica yng Nghymru
Ymunwch â ni ar 22/23 Tachwedd wrth i ni gynnal ail flwyddyn a digwyddiadau olaf Dathliad Cymru Affrica 2024 gyda The Successors of the Mandingue. Mae’r ŵyl hon yn dathlu’r amrywiaeth, yn benodol diwylliant a chelfyddydau Affrica, gydag artistiaid Affricanaidd-Cymraeg ac artistiaid gwadd o bob rhan o’r DU ac Affrica. Bydd bwyd Affricanaidd, perfformiadau rhyngwladol a lleol, gweithdai, dawns a chydweithrediadau Affro-Gymraeg!
Tocynnau penwythnos a dydd
-Tachwedd 22/23-
FFORDD BANGOR, BETHESDA GWYNEDD, LL57 3AN
Dydd Gwener
BLOCO SŴN & THE TONE CORDS
AYOUB & FFION
JUSTIN ADAMS & MOHAMED ERREBBAA
THE ZAWOSE QUEENS
6:30yh – Drws
NOS SADWRN
CYMDEITHAS AFFRICA GOGLEDD CYMRU
SUCCESSORS COLLECTIVE
ASYA SATTI gyda YAZ FENTAZI
SABARY KAGNIN
IBIBIO SOUND MACHINE
4:30yp – Drws
DYDD GWENER
22AIN TACH
NOSWAITH - NEUADD OGWEN
Bloco Sŵn The Tone Cords
Band Carnifal o Ogledd Cymru dan arweiniad yr offerynnwr taro Colin Daimond, sefydlwyd Bloco Sŵn yn 2012 ar fodel “Bloco” o Garnifalau Brasil – grŵp o ddrymwyr yn chwarae amrywiaeth o arddulliau carnifal gwahanol a llawer o gyfansoddiadau gwreiddiol. Mae’r Tone Cords yn grŵp Affricanaidd a Charibïaidd sydd newydd ei sefydlu ym Mangor sy’n hyrwyddo treftadaeth Affricanaidd/Caribïaidd ar draws y cyfandiroedd. Mae’r ddau grŵp yn hyrwyddo’r Iaith Gymraeg mewn prosiectau creadigol ac addysgol. Bydd y cydweithiad arbennig hwn yn cyfuno diwylliannau a lleisiau drymiau siarad Affricanaidd, alawon traddodiadol Cymreig, offerynnau taro carnifal Brasil a’r cymunedau Iorwba-Cymreig yng Ngwynedd.
22/11/24
Ayoub a Ffion
Mae Ffion Campbell-Davies yn artist amlddisgyblaethol ac yn Gyfarwyddwr Cyswllt yn House Of Absolute. Wedi’i geni a’i magu yng Nghymru, mae Ffion yn siarad Cymraeg, yn anneuaidd rhyweddhylifol, a gyda threftadaeth Grenadaidd gymysg. Wedi’i hyfforddi’n dawnsiwr proffesiynol yn wreiddiol, maen nhw’n ymarferydd Qigong a chanwr, gan ddod â dulliau holistig i berfformio a defod. Mae Ffion yn gweithio gyda ffilm, sain a chelfyddyd perfformio gan ddefnyddio llais, testun a barddoniaeth o fewn cyd-destun actifiaeth ac iachâd.
Mae Ayoub Boukhalfa yn gantor cwiar o Foroco sy’n adnabyddus am gerddoriaeth Chaabi
Moroco. Mae’n arwain Côr Un Byd Oasis ac yn canu gyda Chôr y Coroni. Mae wedi gweithio
gyda National Theatre Wales a Theatr y Sherman. Mae Ayoub, sy’n dechrau cael ei
chydnabod fel ffigwr blaenllaw LHDTC+ yng Nghymru, yn defnyddio ei gerddoriaeth i
hyrwyddo cynhwysiant a chefnogi lleisiau wedi’u ymylu.
Gyda’i gilydd creodd Ayoub a Ffion gân ymasiad Morocaidd/Cymreig ‘Achkid Awa’. Mae’r
gân arloesol hon yn cysoni Amazigh Moroco, Darija, a’r Gymraeg, gan atseinio fel campwaith
traws-diwylliannol sy’n pontio gorwelion artistig amrywiol, gan arddangos harddwch undod
mewn amrywiaeth ieithyddol a chreadigol.
22/11/24
Justin Adams & Mohamed Errebbaa
Mae Justin Adams, y gitarydd trydan enwog o’r DU yn fwyaf adnabyddus am ei waith gydag Invaders of the Heart Jah Wobble, gydweithrediadau â Robert Plant, Tinariwen, Rachid Taha, a Juldeh Camara, mae ei gysylltiad â cherddoriaeth trance Gogledd Affrica wedi bod yn rhan o’i arddull erioed. Mae’r prosiect newydd hwn yn ei weld yn ymuno ag Errebbaa, a ddechreuodd berfformio gyda brawdoliaeth Sufi traddodiadol yn Rabat, Moroco yn ddeg oed, ac a dderbyniodd y teitl Maalem, (meistr y traddodiad Gnawa) yn ei 20au. Cymerodd 10 mlynedd ei gyflwyniad i draddodiad Gnawa. Mae cerddoriaeth Gnawa yn cysylltu elfennau o gerddoriaeth Arabaidd y Gogledd a cherddoriaeth Affrica Is-Sahara â chyfriniaeth Sufi.
Mae eu cerddoriaeth yn harneisio pŵer trance dwfn y repertoire Gnawa yn ogystal â thynnu o ôl-gatalog Adams, gan ddod ag elfennau o flues anialwch a grooves trwm i godi’r ysbryd a gwneud i chi eisiau symud!
22/11/24
The Zawose Queens
Pendo a Leah Zawose – y Zawose Queens a’u band yn arddangos canu a rhythmau pobl Gogo (aka Wagogo) o ardal cras, fryniog Dodoma yng nghanol Tanzania, maen nhw’n ymuno â ni ar eu taith o amgylch y DU. Dehonglwr enwocaf y traddodiad cerddorol hwn yw’r enwogydd Dr Hukwe Zawose (tad Pendo a thaid Leah).
Mae yna ysbryd a thân yn eu cerddoriaeth, mae yna ddirgryniadau’r hynafiaid, yn dod drwodd ar offerynnau traddodiadol — ffidl tsizes esgyn, piano bawd illimba suo, drymiau ngoma sy’n clebran a tharanau— a lleisiau sy’n mynd yn ddwfn, yn uchel ac allan yna. Mae cysylltiad â byd natur, â seremonïau a defodau, yn eu cyfuniad wedi’i ysbrydoli gan ddawns, yn eu cyfuniad o’r organig, harmonig ac electronig cyfoes. Ceir geiriau sy’n adrodd, yn eu cigogo brodorol, am yr angerdd am gerddoriaeth, a rhyfeddodau bywyd. Balchder mewn amgylchedd, mewn traddodiad. Yn eu gwreiddiau yn Nwyrain Affrica. Mae eu halbwm cyntaf Maisha yn nodi’r tro cyntaf i ferched o’r teulu cerddorol enwog hwn gymryd eu lle fel prif leiswyr a pherfformwyr. Maent wedi perfformio yn Glastonbury, Africa Oye a WOMAD eleni ac rydym yn gyffrous i’w hychwanegu at ein penwythnos o berfformwyr dan arweiniad merched yn bennaf.
“The sheer vocal power of the duo is arresting, a shifting polyphony primarily addressing family and domestic affairs; this is the first time women in Gogo music have been allowed to write their own stories… Stirring Stuff” – The Guardian
22/11/24
DYDD SADWRN
23AIN TACH
NOSWAITH - NEUADD OGWEN
Cymdeithas Affrica Gogledd Cymru
Sefydlwyd Cymdeithas Affrica Gogledd Cymru (NWAS) yn 2018, gan grŵp o unigolion angerddol a oedd eisio wneud gwahaniaeth yn eu cymuned leol. Bwriad y gymdeithas yw sicrhau cymdeithas gynhwysol fywiog drwy ganolbwyntio ar faterion cymdeithasol, addysg a busnes sydd o ddiddordeb i Gymru ac Affrica.
Dros y blynyddoedd, mae’r gymdeithas wedi cymryd rhan mewn a chynnal nifer o ddigwyddiadau cymdeithasol-ddiwylliannol, gan ddefnyddio pob cyfle i ledaenu ei neges o “Diversity Makes Society”. Mae NWAS yn gyffrous i arddangos eu talent a rhannu eu neges gyda chynulleidfa ehangach. Maent yn gobeithio y bydd eu perfformiad yn ysbrydoli eraill i ymuno â’u hachos a chael effaith gadarnhaol yn eu cymunedau.
23/11/24
Successors Collective
Band newydd yw Successors Collective sy’n dod ag artistiaid ynghyd i greu sain ffync jazz Affro-Gymreig newydd. Mae’r grŵp yn gronfa mawr o artistiaid sy’n rhannu ysbryd a chariad at gerddoriaeth sy’n cyfnewid i mewn ac allan rhwng gigs ac yn ystod yr un set, gan greu’r naws Collective.
23/11/24
Asya Satti
gyda Yaz Fentazi
Daw tapestri o synau byd-eang Asya Satti o Sweden-Swdan o dreulio blynyddoedd yn teithio rhwng Sweden, yr Aifft a’r DU. Ychwanegodd hyn at ei chariad at gerddoriaeth ei gwreiddiau Swdan a’i hawydd i uno cerddoriaeth Swdan Sufi â synau Gorllewinol ac Arabaidd. Fe wnaeth gweithio gyda Yaz Fentazi ei helpu i ddatgloi’r sain honno, ac mae wedi dod yn gydweithredwr rheolaidd. Mae ei cherddoriaeth wedi denu rhaglenni ar y radio gan Tom Robinson gyda BBC Introducing ynghyd â sylw gan Clash, Wonderland, Notion, FAULT Magazine, Women in Pop ac XS Noize.
“A mesmerising fusion of modern alternative RB, traditional Sudanese classical guitar, and energizing percussion.” – FAULT Magazine.
Mae’r chwaraewr penigamp o Algeria, Yaz Fentazi, yn cyfansoddi cyfuniad o gerddoriaeth draddodiadol a modern i arddull gyfoes o gyfuniad Gogledd Affrica. Mae The Guardian wedi disgrifio cyfansoddiadau Fentazi fel rhai sydd a “breadth and atmosphere, and his oud soloing, which recalls the drive and dynamism of world oud star Anouar Brahem, is often stunning”. Mae wedi perfformio a recordio gyda llawer o artistiaid gan gynnwys: The Master Drummers of Affrica, Robert Plant (Led Zeppelin), Natacha Atlas, Trance Global Underground, Marc Almond, Cheb Mami.
23/11/24
Sabari Kagnin
Sefydlodd Ousmane Kouyaté y grŵp Sabary Kagnin yn 2023 mewn ymdrech i hyrwyddo diwylliant cerddorol Gini, ef hefyd yw sylfaenydd Kobenawati (grŵp diwylliannol sy’n anelu at hyrwyddo diwylliant, dawns, canu a cherddoriaeth draddodiadol Affricanaidd a Gini yn bennaf).
Ganed Ousmane i deulu griot yn Conakry, mab i’r balafonydd enwog Fatoumata Kouyaté a elwir hefyd yn Djeliguinet. Dysgodd Ousmane y balafon o oedran cynnar hefyd. Mae Sabary Kagnin nid yn unig yn addasu cerddoriaeth a chaneuon traddodiadol Gini ond hefyd yn perfformio cyfansoddiadau gwreiddiol gan ddefnyddio offerynnau traddodiadol fel balafonau, koras, drymiau, boté, bolon a krins.
Bydd y grŵp yn ymuno â ni o Ffrainc ar gyfer y perfformiad arbennig hwn.
23/11/24
Ibibio Sound Machine
Gyda’r canwr o Nigeria, Eno Williams, mae Ibibio Sound Machine yn wrthdrawiad 8 darn o elfennau Affricanaidd ac electronig sydd wedi’u hysbrydoli’n gyfartal gan oes aur ffync, disgo ac electro post-pync Gorllewin Affrica o’r 70au a post-pync modern sy’n creu eu sain unigryw. Gyda geiriau yn Saesneg ac yn yr iaith Ibibio o dde-ddwyrain Nigeria, mae ysbrydoliaeth Williams ar gyfer ei chyfansoddi caneuon yn seiliedig ar straeon o’i magwraeth yn Nigeria. Maent wedi cyrraedd llwyfannau ar draws y byd, gan gynnwys Glastonbury, Womadelaide 2024 a Later… With Jools Holland.
Mae’r gobaith, llawenydd, a rhywioldeb cerddoriaeth y band dal yn bodoli yn eu halbwm newydd Pull The Rope, ond, gan fireinio ymhellach steil edgy eu halbwm clodwiw 2022 Electricity, mae’r cysylltiad y maent yn bwriadu ei feithrin wedi symud lleoliadau, o fywiogrwydd heulog gwyliau awyr-agored i glwb dawnsio llawn chwys. Mae eu sain yn obaith mewn tywyllwch, gwynfyd er gwaethaf diflastod. Unwaith eto, mae Ibibio Sound Machine yma i ddarparu’r trac sain i noson orau eich bywyd, ac i fyd gwell i ddod.
“Vibrant Afro funk hits the heights” – The Guardian
23/11/24
Dydd Sul
24ydd Tach
Neuadd Ogwen
Gweithdai Dydd Sul
Ymunwch â ni ar gyfer gweithdy drymio djembe Gorllewin Affrica (11:00-12:30) a gweithdy dawnsio traddodiadol Uganda a Gini gyda drymio byw (12:30-14:00) ar Dachwedd 24ain yn Neuadd Ogwen. Nid oes angen profiad ond MAE ARCHEBU YN HANFODOL!
E-bostiwch admin@successors.co.uk i sicrhau eich lle.
£12 y pen am un sesiwn neu yn rhad ac am ddim gyda thocyn penwythnos llawn yr ŵyl – mae lleoedd yn gyfyngedig felly peidiwch ag oedi!
24/11/24
gweithdy drymio djembe Gorllewin Affrica
11:00 – 12:30
gweithdy dawnsio traddodiadol Uganda a Gini
12:30 – 14:00
Gweithdy dydd Gwener
Dawns Gorllewin Affrica
gyda drymio byw
Bydd dawnswyr meistr o Orllewin Affrica o The Successors of the Mandingue All Stars yn hwyluso’r sesiwn hon i gyfeiliant rhythmau byw dan arweiniad Oumar Almamy Camara.
Mae Camara yn brif ddawnsiwr o Gini, Gorllewin Affrica. Bellach yn byw ym Mryste, mae gan Almamy CV trawiadol fel coreograffydd ac offerynnwr taro, gyda rolau blaenorol fel Cyfarwyddwr Artistig Ballet Bougarabou yn Senegal, a Chyfarwyddwr Dawns ar gyfer Circus Boabab yn Guinea. Yn y DU sefydlodd Almamy yr ŵyl gerddoriaeth a dawns Mandenkan Bora yn Bournemouth.
Mae angen tocyn ar wahân gan Eventbrite ar gyfer y gweithdy hwn, gyda gostyngiad os oes gennych docyn gŵyl. Croeso i gerdded i mewn! Croeso i gerdded i mewn!
02/06/23
12:15 – 13:30
Gigs byw
Yn y Fic
Perfformiadau gyda’r nos am ddim yn y dafarn drws nesaf
Blank Face
6:00 Nos Wener
Cynfas cerddorol yw Joshua Whyte sy’n cyfuno gwahanol synau fel ei baent a’i frwsh i greu llun hardd.
Adjua
6:00 Nos Sadwrn
Wedi’i eni yn Splott i rieni o Ghana a Chymru, mae Adjua yn ddod â gerddoriaeth alt-RnB gyda blas acwstig!
Dathliad Cymru Affrica 2024
Artistiaid
Justin Adams & Mohamed Errebbaa
Ibibio Sound Machine
Bloco Sŵn
Ayoub & Ffion
The Zawose Queens
Asya Satti gyda Yaz Fentazi
Cymdeithas Affrica Gogledd Cymru
Sabary Kagnin
+ MWY
Cysyniad
Cyflwynwyd i chi gan The Successors of the Mandingue a Neuadd Ogwen.
