Mehefin 1/2/3 2023
Penwythnos o gerddoriaeth wefreiddiol o ar draws Affrica gyda dawns, perfformiadau Affro-Gymraeg, gweithdai, arddangosfa celf/ffotograffiaeth a llawer mwy! Gwir ddathliad o Affrica yng Nghymru!
Dathlu Affrica yng Nghymru
Mae Dathliad Cymru Affrica yn yn gyfle i brofi celf pan-Affricanaidd. Bydd y penwythnos yn ddathliad o gyfoeth amrywiaeth yng Nghymru, yn benodol diwylliant a chelfyddydau Affricanaidd. Mae gennym artistiaid gwadd o Affrica (Mali, De Affrica, Sudan a Gweriniaeth Ddemocrataidd y Congo), ynghyd ag artistiaid Affricanaidd sydd wedi eu lleoli yng Nghymru ac ar draws y DU.
Cyflwynwyd i chi gan The Successors of the Mandingue, Neuadd Ogwen, Butetown Arts & Culture Association (BACA) a Rahim El Habachi.
Tocynnau penwythnos a dydd
-Mehefin 1/2/3-
FFORDD BANGOR, BETHESDA GWYNEDD, LL57 3AN
Dydd Iau
7:30yh – THE SUCCESSORS OF THE MANDINGUE ALL STARS & EVE GOODMAN
8:15yh – AFRO CLUSTER
9:30yh – BCUC
7:00yh – Drws
Dydd Gwener
7:30yh – DAFYDD IWAN & ALI GOOLYAD
8:15yh – HANISHA SOLOMON
9:30yh – BASSEKOU KOUYATE & NGONI BA
7:00yh – Drws
Dydd Sadwrn
5:00yp – AGMAR BAND
7:00yh – RASHA
8:15yh – SUNTOU SUSSO & BINTA SUSSO
9:30yh – KANDA BONGO MAN
4:30yp – Drws
DYDD IAU
Mehefin 1af
NOSWAITH - NEUADD OGWEN
THE SUCCESSORS OF THE MANDINGUE ALL STARS
gyda Eve Goodman
Bydd The Successors of the Mandingue yn cyflwyno band saith aelod trawiadol. Maent yn hyrwyddwyr y diwylliant Mandinka, ac mae pob artist yn seren yn ei rhinwedd ei hun, wedi’i drochi yn nhraddodiad barddol griot (neu djeli) Gorllewin Affrica o warchod straeon a hanesion eu pobl trwy gerddoriaeth, dawns, a chân. Yn hanu o Gini, Senegal, Y Gambia, Cote d’Ivoire, a Burkina Faso, mae eu arddull cerddorol wedi’u gwreiddio yn yr un traddodiadau hynafol a oedd yn ymestyn dros yr hen Ymerodraeth Mandingue.
Ar gyfer Dathliad Cymru Affrica, mae cydweithrediad arbennig wedi’i gomisiynu rhwng N’famady Kouyaté (Cyfarwyddwr Artistig The Successors of the Mandingue) ac Eve Goodman i ddod â thraddodiadau gwerin Gorllewin Affrica a Chymru ynghyd mewn un darn, gan ddathlu traddodiadau diwylliannol hynafol ac ieithoedd eu gwledydd o darddiad. Bu i N’famady ac Eve cyfarfod am y tro cyntaf pan gynrychiolodd y ddau Gymru yn Celtic Connections 2022 ac rydym yn gyffrous i glywed y gwaith y maent wedi bod yn ei greu.
7:30 – 8:00 01/06/23
Afro Cluster
Cydweithfa a aned yng Nghaerdydd yw Afro Cluster a ysbrydolwyd gan etifeddiaeth ffync/Afrobeat Gorllewin Affrica a Hip-Hop oes aur.
Ar draws eu perfformiad fe glywch rythmau cryfion a chytganau jazzaidd wedi’u haddurno gan eiriau ysgogol wedi’u ysgrifennu a’u ganu gan emcee Skunkadelic.
8:15 – 9:15 01/06/23
BCUC
BCUC: Bantu Continua Uhuru Consciousness. Ffync cynhenid, hip hop gydag ymwybyddiaeth, ac egni pync-roc o Soweto, De Affrica.
Mae’r band saith-aelod wedi bod yn swyno cynulleidfaoedd yn lleol ac yn fyd-eang gyda’i berfformiadau ffync cynhenid ac egni uchel sydd wedi eu gwneud yn un o allforion cerddorol mwyaf llwyddiannus De Affrica.
9:30 – 10:45 01/06/23
DYDD GWENER
2il Mehefin
NOSWAITH - NEUADD OGWEN
Comisiwn yr Ŵyl
Dafydd Iwan & Ali Goolyad
Mae Dafydd Iwan yn ganwr gwerin a gwleidydd o fri sy’n wreiddiol o Frynaman, Sir Gaerfyrddin, sydd bellach yn byw ger Caernarfon. Derbyniodd radd er anrhydedd gan Brifysgol Cymru am ei gyfraniad i Gymru a’r Gymraeg, mae’n ganwr-gyfansoddwr sydd wedi cyhoeddi nifer helaeth o recordiau, ac awdur sawl llyfr. Ei gân “Yma o Hyd” oedd anthem swyddogol tîm pêl-droed Cymru yng Nghwpan y Byd yn Qatar.
Mae Ali Goolyad yn fardd, actor ac actifydd cymunedol. Wedi’i eni yn Hargeisa, Somaliland, ymfudodd Ali i Gymru yn 1 oed. Mae ei waith blaenorol yn cynnwys ysgrifennu a pherfformio yn De Gabay, (Theatr Genedlaethol Cymru), Border Game, Storm 2, Big Democracy Project (Theatr Genedlaethol Cymru), Borderland (Radio 4), Talking Doorsteps (Roundhouse), Mattan Injustice of a Hanged Man (BBC), a Black and Welsh (BBC Wales). Mae Ali mwynhau cydweithio gydag eraill ac y caru’r fersiwn o ddiwylliant Cymreig y mae’n ei greu.
7:30 – 8:00 02/06/23
Hanisha Solomon
Mae Hanisha Solomon yn gantores Ethiopiaidd sy’n byw yn Llundain.
Mae hi’n dalent anhygoel, yn canu mewn Amhareg, Oromiffa ac Arabeg. Mae ei cherddoriaeth yn cynrychioli synau hardd a phwerus Ethiopia a thu hwnt. Mae ei caneuon yn cynnwys caneuon am anghyfiawnder, dynoliaeth a’r angen am undod.
8:15 – 9:15 02/06/23
Bassekou Kouyate & Ngoni Ba
Mae Bassekou Kouyate, o Mali, yn un o feistri’r ngoni, offeryn, liwt draddodiadol hynafol sy’n cael ei chwarae ledled Gorllewin Affrica, ac mae o’n cael ei barchu fel un o brif artistiaid byd-eang Affrica.
Mae ei fand, Ngoni Ba yn cynnwys chwaraewyr ngoni, offerynwyr taro a’r gantores ffantastig Amy Sacko. Gyda’i gilydd mae’n nhw wedi chwyldroi swn y ngoni, ac wedi gwthio canrifoedd o draddodiadau griot yn radical i’r dyfodol.
9:30 – 11:00 02/06/23
DYDD SADWRN
3ydd Mehefin
Prynhawn - Neuadd Ogwen
Agmar band
Syniad y cerddor Hassan Nainia sy’n hanu o ranbarth Sous yn ne Moroco yw Agmar Band. Maen nhw’n chwarae fusion o gerddoriaeth Gogledd Affricanaidd traddodiadol, yn bennaf Amazigh (Berber), gan ddefnyddio’r offeryn Amazigh traddodiadol y Loutar a banjo.
Ar ôl gyrfa yn ymestyn dros ddegawdau ym Moroco, mae Hassan bellach wedi’i adnabod yn y DU am gydweithio ar albwm 2018 Jah Wobble & MoMo Project-Maghrebi Jazz a perfformio gyda’r chwaraewr kora Senegalaidd Diabel Cissokho.
5:00 – 6:00 03/06/23
Rasha
Mae Rasha yn gantores, cerddor a chyfansoddwr caneuon hynod ddawnus o Swdan sydd wedi bod â phresenoldeb byd-eang yn y sin gerddoriaeth ryngwladol ers dros 30 mlynedd.
Mae arddull gerddorol Rasha yn gyfuniad hynod ddiddorol o arddulliau gan gynnwys traddodiadau cerddorol canrifoedd oed y diwylliant Nubian, rhythmau canolbarth y Swdan, curiadau tom-tom y Sahel Affricanaidd, adleisiau a dylanwadau synau Gogledd Affrica, synau Arabeg ac Andalusaidd (flamenco), blues modern, jazz a reggae.
Trwy ei gyrfa mae Rasha wedi cydweithio â Youssou N’Dour, K’naan, Geoffrey Oryema a nifer arall.
7:00 – 8:00 03/06/23
Suntou Susso
gyda Binta Susso
Mae Susso yn aml-offerynnwr: chwaraewr Kora, offerynnwr taro, canwr a chyfansoddwr o’r Gambia.
Wedi’i eni i fewn i’r traddodiad Griot 700-mlwydd-oed, mae Suntou yn perfformio’i rôl fel haneswr, storïwr, ac yn uno pobl trwy gân. Liwt-telyn 22 tant yw’r kora, offeryn prin a hudolus. Mae cerddoriaeth Suntou Susso yn dod â naws dda ac yn cyfuno sain gyfoethog a thraddodiadol ei ddiwylliant Mandinka Gorllewin-Affricanaidd ag Affro-funk a soul.
Gyda’r gantores wadd arbennig o Gaerdydd, Binta Susso.
8:15 – 9:15 03/06/23
Kanda Bongo Man
Wedi’i adnabod fel “The King of Soukous”, roedd y seren Congolese Kanda Bongo Man yn un o’r artistiaid cynharaf i gyflwyno’r gerddoriaeth hon yn rhyngwladol. Mae’n fwyaf enwog am ei unawdau gitâr hudolus a roddodd enedigaeth i’r ddawns enwog Kwasa Kwasa, a hyrwyddwyd gan John Peel ac Andy Kershaw ar ddiwedd yr 80au!
Mae cerddoriaeth Kanda wedi cael ei yrru gan optimistiaeth a hapusrwydd. Mae ei berfformiadau gwefreiddiol yn gyffrous ac yn egnïol ond eto wedi’u gwreiddio’n ddwfn yn y traddodiad Congo. Gyda’i fand saith-darn anhygoel y tu ôl iddo, peidiwch â cholli’r cyfle i brofi cerddoriaeth a dawns lawen ganolbarth Affrica Kanda Bongo Man.
9:30 – 11:00 03/06/23
Digwyddiadau Arall
1,2,3 Mehefin
Gweithdai dydd Gwener
Djembe, Djembe, Djembe!
Bydd drymwyr meistr o Orllewin Affrica o The Successors of the Mandingue All Stars, pob un yn feistri ar eu crefft, yn arwain y pedair sesiwn 30 munud hyn. Bydd y hywryddwyr hyn o ddiwylliant Mandinka dilys yn rhannu eu treftadaeth trwy sesiwn lawen a fydd yn gwneud i bawb symud.
Cewch eich dal ar daith i Orllewin Affrica ac yn ôl – rydym yn addo y byddwch yn gadael yn gwenu!
Mae angen tocynnau ar wahân gan Eventbrite ar gyfer y gweithdai hyn, gyda gostyngiad os oes gennych docyn gŵyl neu os ydych chi’n dod â’ch djembe eich hun Croeso i gerdded i mewn! Croeso i gerdded i mewn!
02/06/23
Pedair sesiwn 30-munud
10:00 – 10:30
10:30 – 11:00
11:00 – 11:30
11:30 – 12:00
Gweithdy dydd Gwener
Dawns Gorllewin Affrica
gyda drymio byw
Bydd dawnswyr meistr o Orllewin Affrica o The Successors of the Mandingue All Stars yn hwyluso’r sesiwn hon i gyfeiliant rhythmau byw dan arweiniad Oumar Almamy Camara.
Mae Camara yn brif ddawnsiwr o Gini, Gorllewin Affrica. Bellach yn byw ym Mryste, mae gan Almamy CV trawiadol fel coreograffydd ac offerynnwr taro, gyda rolau blaenorol fel Cyfarwyddwr Artistig Ballet Bougarabou yn Senegal, a Chyfarwyddwr Dawns ar gyfer Circus Boabab yn Guinea. Yn y DU sefydlodd Almamy yr ŵyl gerddoriaeth a dawns Mandenkan Bora yn Bournemouth.
Mae angen tocyn ar wahân gan Eventbrite ar gyfer y gweithdy hwn, gyda gostyngiad os oes gennych docyn gŵyl. Croeso i gerdded i mewn! Croeso i gerdded i mewn!
02/06/23
12:15 – 13:30
Gweithy dydd Sadwrn
Dawns Ethiopiaidd
gyda Adi Detemo
Ymunwch ag Adi Detemo am weithdy dawns egniol o Ethiopia!
Nodweddir dawns Ethiopia gan ei steil egnïol a bywiog, sy’n cynnwys symudiadau llaw, ysgwydd a thraed, symudiadau corff hylifol a mynegiannol, a churiadau rhythmig. Mae’r dawnsiau yn aml yn adrodd straeon, yn dathlu traddodiadau diwylliannol, neu’n mynegi emosiynau.
Mae dawnsiau traddodiadol Ethiopia yn cynnwys yr Eskesta, dawns gyflym sy’n cynnwys symudiadau llaw ac ysgwydd bywiog a churiadau cryf a’r ddawns Gurage, dawns ar gyfer grŵp, sy’n cynnwys symudiadau cydamserol a gwaith troed cywrain.
Mae angen tocyn ar wahân gan Eventbrite ar gyfer y gweithdy hwn, gyda gostyngiad os oes gennych docyn gŵyl. Croeso i gerdded i mewn! Croeso i gerdded i mewn!
03/06/23
10:00 – 11:00
Gigs byw
Yn y Fic
Perfformiadau gyda’r nos am ddim yn y dafarn drws nesaf
Blank Face
6:00 Nos Wener
Cynfas cerddorol yw Joshua Whyte sy’n cyfuno gwahanol synau fel ei baent a’i frwsh i greu llun hardd.
Adjua
6:00 Nos Sadwrn
Wedi’i eni yn Splott i rieni o Ghana a Chymru, mae Adjua yn ddod â gerddoriaeth alt-RnB gyda blas acwstig!
Rhwng y Profion Sain
Cyfweliadau byw gyda rhai o’r artistiaid wedi’i gynnal gan yr actor, dramodydd a dawnsiwr bol Rahim El Habachi yn tafarn y Fic
Dydd Iau
4:30 BCUC
Dydd Sadwrn
2:00 Dawnswyr Cymdeithas Affrica Gogledd Cymru
4:20 Suntou Susso
Dangosiadau Ffilm
Yn y Fic
Dydd Iau
6:30 Dawns Krystal Lowe ac Aida Diop
Dydd Gwener
5:00 Dawns Krystal Lowe ac Aida Diop
Dydd Sadwrn
1:30 Balafon Origins
2:30 Dò Farala A Kan
(Gyda chyflwyniad fideo gan y cyfarwyddwr Lucy Duran)
Dathliad Cymru Affrica 2023
Artistiaid
The Successors of the Mandingue
Eve Goodman
Afro Cluster
BCUC
Dafydd Iwan
Ali Goolyad
Hanisha Solomon
Bassekou Kouyate & Ngoni Ba
Agmar Band
Rasha
Suntou Susso
Binta Susso
Kanda Bongo Man
+ MWY
Cysyniad
Cyflwynwyd i chi gan The Successors of the Mandingue, Neuadd Ogwen, Butetown Arts & Culture Association (BACA) a Rahim El Habachi.