Jah Wobble & the Invaders of the Heart
Yn cyfuno cerddoriaeth fyd-eang, reggae, ffiwsion a dylanwadau pync, mae Jah Wobble wedi swyno’r byd gyda’i riffiau bas hypnotig ers dros bedwar degawd, ac wedi dod yn un o brif chwaraewyr bas mwyaf dylanwadol a nodedig Prydain. Gyda’i fand, Invaders of the Heart, mae Jah Wobble yn cael ei aileni i ddegawd newydd mor herfeiddiol ag erioed gyda thaith newydd sbon ar draws y DU.
Wedi’i eni’n John Wardle, rhoddwyd yr enw iddo gan Sid Vicious ar ôl noson o antics meddyllyd. Aeth Sid Vicious ymlaen wedyn i roi ei gitâr fas gyntaf erioed i Jah. Fel basydd, mae Jah Wobble yn adnabyddus fel un o’r aelodau sefydlol ac yn y pen draw asgwrn cefn y Public Image Limited (PiL) yn ystod y blynyddoedd cynnar. Wrth weithio gyda John Lydon, Keith Levene a Jim Walker, creodd bas pwerus, dwfn Jah, yr albwm cyntaf i PiL, Public Image: First Issue; a oedd yn cynnwys sengl gyntaf y band i gyrraedd y Deg Uchaf yn ogystal â’u hail albwm mawreddog, Metal Box, a oedd yn cynnwys y clasur ôl-bync Death Disco.
Ers gadael PiL, mae Jah Wobble bellach yn artist unigol gyda’i fand, Invaders of the Heart, ac fe’i henwebwyd ar gyfer Gwobr Gerddoriaeth Mercury am ei albwm cyntaf, Rising Above Bedlam. Yn dilyn rhyddhau’r ail albwm, Take Me To God, daeth Jah Wobble hefyd yn entrepreneur llwyddiannus drwy ddatblygu ei label recordiau annibynnol ei hun, 30 Hertz Records. Yn ogystal, mae Jah Wobble wedi gweithio gyda rhai fel Primal Scream, Dolores O’Riordan, Sinéad O’Connor, Chaka Demus & Pliers, Bill Laswell, Holger Czukay a llawer mwy.
