Mae Gruff Rhys yn sgwennwr caneuon ac artist recordio sy’n teithio’n rhyngwladol bellach, fe’i magwyd ym Methesda ond mae wedi ei leoli yng Nghaerdydd ers degawdau bellach. Mae’n gweithio dros sawl cyfrwng, ond caneuon ydi’r bara menyn ac mae rhai canoedd ohonynt yn ymddangos dros 26 record hir.

Mae Gruff Rhys wedi bod yn rhyddhau recordiau ers 1988 gyda’i fand cyntaf Ffa Coffi Pawb cyn dod yn adnabyddus fel prif leisydd Super Furry Animals – band sydd wedi gallu cyflawni’r cymysgedd prin hwnnw – antur artistig gydag ymroddiad poblogaidd – gan gyfuno roc ‘fuzz’, harmonïau pur ac electroneg arloesol.

Gyda’u melodïau bendigedig, mae ei recordiau unigol yn cynnwys geiriau a cynhyrchu chwareus. Roedd ei albwm cyntaf, Yr Atal Genhedlaeth yn 2005, yn ymhyfrydu yng nghorneli crafog y Gymraeg; dilynodd Candylion a Hotel Shampoo yn fuan, dwy albwm pop arbrofol o fri rhyngwladol. Yn 2014, rhyddhawyd American Interior, albwm sy’n dilyn taith anhygoel y cartograffydd o’r 18fed ganrif, John Evans.

Wedi arwyddo â Rough Trade Records yn 2018, cynigiodd yr albwm Babelsberg olwg baróc ar y byd modern; yna blwyddyn yn ddiweddarach grëodd Pang!, sef cymysgedd pop amlieithog, a grëwyd mewn cydweithrediad â’r artist-gynhyrchydd Zulu, Muzi. Dringodd Seeking New Gods y siartiau, a gyrhaeddodd y Deg Uchaf ym Mhrydain, drwy archwilio tir newydd o ran geiriau a cherddoriaeth, record gysyniadol ac ei albwm unigol mwyaf llwyddiannus ar y pryd. Yn 2024 rhyddhawyd ei ddilyniant, y record bop sgrin lydan ‘Sadness Sets Me Free’. Wedi’i recordio ar gyrion Paris gyda’i fand, cafodd adolygiadau gwych pellach a chafodd ei ganmol yn eang fel un o’i weithiau gorau. Yn 2025 disgwyliwn ei albwm Cymraeg ddiweddaraf Dim Probs.